مراد البرعصي ابكي ياعيني كان خطر

ابـكـي يا عيني كان خطر ... عيون #الحـر ... كواك بناره و استاخر

ابكي يا عيني مالتكوين ... او ياسآ زين ... و فرقاه او خلوة ليدين ... علينا بيّن فاهق شين ... و مامن غر .... حكمني غير الاّ ندفر .

 ابكي يا عيني م العازات ... و م السيّات ... و عيب
وخونه ملتمّات ... غوالي كانوا فيما فات ... غلا جاير .... خطا منهم ما نصّوّر .... استاقظ للذّيلي بالذّات ... سواء تقصر .... سواء تامن لازم يغدر .

ابكي يا عيني سيلي سيل ... نهار و ليل ... فراقه واجعني بالحيل ... اللّي لخدوده بان شعيل ...ارياقي مر .... ان ياثم لفراقه واعر .

ابكي يا عيني زيدي جور ... مساء وفجور ... اتعيه ايرتّل فوق ابرور ... عذاهن فوق معالي القور احوا داير .... اعقل فوق سلاطين اشهر .
الاّ هو لكن دمع يفور ... و عين اتفر .... ابهم لاجوا الاّ تسمر .... بعضهم قالوا مو محرور .... مغير خبر .... اتبورع بكّاي مقابر .... إن يشهد ما يشهد شي زور .... ولا ينظر .... القايس بظروف الشّاعر .

ابكي يا عيني عاطك بوش ... الدّمع ايلوش ... انريده وين العقل ايهوش ... زواعب يبقى هكّي موش ... تقول مطر .... انريده هايج هوج بحر ....
ايفضّي ع البال المدهوش ... وفرغة سر .... إن متّي وإن جبتيه فخر .

ابكي ياعيني ماننهاك ... انسيل معاك ... قبالة لاجل عارف داك ... مريضة واللي فيه دواك ... غلاك نكر .... علي راحة غيرك سامر .

ابكي يا عيني ربّي راد ... خطاه او ياسه جنّي بوق .
كماهن عقلي لكن كاد ... اغلب في الجحده تم اينوق .
حلف ما نرقد فوق اوساد ... او لا نصبر لا قوت انذوق .
عليهم نين اندير حداد ... شهر واطناشر يوم او فوق .
امعزّا كيف عزا لاجواد ... علي مول السّالف مفروق .
ايدير الاّ لكن هو عاد ...((حشاكم))خلباط او زندوق .
جفا عقلي من غير اعداد ... عطاني للياسات اطلوق .
إلاّنا عنّك عقلي باد ... امدريس ع النّار او ع الشّوق .
امصرهد كي حال الميراد ... يثوب عجاجه داير طوق .
امدرهز كي سوق الحصّاد ... إلاّ شي منّه مو ملحوق .
اللّه ربّي رب العباد ... علينا فرّج كل اضيوق .
او لوعات امغرغز لهماد ... انعنّي ننساهن ونروق .
انعنّه في يوم الميعاد ...الله يغفر ... ذنوبي وذنوب الحاضر ¤