ليش العجب
هذه القصيدة للشاعر الرويعي موسى الفاخرى
ليش العجب يا بورفيق ..... وكنك وفيش اتخايل
انحق فيك في حالة الضيق ..... وناكر سكوتي الطايل
اصحى تشغلك خربة الزيق ..... واصحى اتديرها م الزلايل
انكان غايتك في التلافيق ..... ماني عليهن ولايل
ولا السهوكه واليفقفيق ..... أندورلهن في سبايل
ولا الضحك لا كثر يليق ..... ولا هو دوا للعلايل
وضحك السما بالبراريق ..... عاقبته دموع الهطايل
ويقولوا العلل موش توثيق ..... أمربط زرد في جدايل
ونا نقول كثر التجلفيق ..... إيشوي معاه الفعايل
والعقول راهن صناديق ..... مفاتيحهن بالمقايل
ونا العقل عندي تخرزيق ..... برابخه لبرا دفايل
عليه طبقن بالمغاليق ..... أبواب جيبهن قول قايل
ولاني علي روحي شفيق ..... ولاني عديم الوسايل
أو واخذ علي غوص الغريق ..... وعلي نقض فتل الجطايل
أمغير العلل ياخذ طريق ..... وأوقات يجنحنه مثايل
علي سلاختي مالتصافيق ..... نخاف كان صارن فلايل
يكون خير هجر المخاليق ..... وشور الخلا شد الرحايل
ولا أمطاوحة هالمزاريق ..... وجبدة غوير الغلايل
ولظم العلل لظم العقيق ..... بعيد ع الخطا والمحايل
يريد عقل حاظيه توفيق ..... الرب يفرزه مالنثايل
ويريد مستمع نبه ضويق ..... ما ينخدع بالخصايل
مو غير الذهب عنده بريق ..... وهو المنفرد بالفضايل
وأنكان مزنتي دارت خثيق ..... وتحدثت لك بالشغايل
أما يكون في الدي تغميق ..... ويغيبن عليك الدلايل
ولامقصدي بالتحذليق ..... أنوعر عليك المسايل
الا عادةً للشواهيق ..... دروب عوج ماهن سهايل
والا يسرقك مجرى زليق ..... وتحكم أحكام العجايل
ألقيت سكتي خير تصديق ..... للنايبات وأجدى نوايل
خليها أتجي كي اتجي سيق ..... في مواساة قنو العدايل
انما تريد ساعته نفيق ..... ويكون للخبر ريق سايل
وأنكان نشدتك عالنقانيق ..... نقولك غبا هيل هايل
يحوشن أفراد وشلاليق ..... معاهن افكاري ذهايل
وأنكان ع الريا فيت تبويق ..... اليوم الدباير قلايل
بعد اذواد تمن عذاليق ..... وأخيارهن غفال وظوايل
وأنكان ع الرفق حق وحقيق ..... نقولك مرافق الاصايل
رجاجيل في ساعة الضيق ..... أنسهل بهم في العكايل
أمنين يرتبي الاخ الشقيق ..... ويرخي معاك الحبايل
رفق صرف ما فيه تعشيق ..... بعيد ع الطمع والختايل
خليك من اللي فصهم رقيق ..... اللي مجرثمين ودحايل
اللي مزنهم فيه تفديق ...... علي معطشات الشعايل
وانكان في الغلا عالغناديق ..... جوادي قعيدة شكايل
الحران لصدا الشلفيق ..... الكمكار بين السلايل
القراب فوق الماطابيق ..... النعاي عز القوايل
انصورته كبار ومشاقيق ..... للبيطان فيه الحجايل
محط اصبعك في مضاييق ..... قدام صرته دوب جايل
براريم قبر وخوازيق ..... وشماميس عصره ظلايل
بياض جبهته للنشاشيق ..... وافتوح لهدته بالصهايل
علي ودره بالتبزعيق ..... غلا بنت مالها مثايل
كبير عقلها رازن وثيق ..... كريم اصلها بين القبايل
جميل ديها فيه تشويق ..... خفيف دمها قير سايل
أن جت ترتشق في تروشيق ..... أتلين قلوب الجهايل
لا لوجهها خش تزويق ..... ولا خربنه نفايل
غلاها اركب فيه تشليق ..... هبوب ياس عدا دقايل
خلا سيول عيني دفافيق ..... وعزومي ارقاق وكلايل
والكبد رايحه مالتلاهيق ..... كما هبو برقوق حايل
وأنكان عالدهر بالمواثيق ..... نروي لك حكاوي لوايل
حديث زبدته فيه تفويق ..... لقصار النظر والغفايل
حتى وهي فنا ودار تقريق ..... وما والي خبر فيه خايل
ياما خذت من بطاريق ..... وملوك يضحكوا عالهوايل
بعد شربهم في لباريق ..... روح العنب تحت الظلايل
بشناقيل تموا معاليق ..... والسيطان فيهم عوايل
وكم فارساً عز الفريق ..... اللي تحوش فيه الشوايل
إيدير نهار عقدة الريق ..... وتبديل لون المسايل
والخيل بين المفاليق ..... وبين الامراج الجفايل
أبقي مضحكه للشلافيق ..... وفيه يضربوا بالنقايل
يا صاحبي في سوانيق ..... عديت بك وبين العمايل
وتغريب مرة وتشريق ...... وصيفة أجواد او وذايل
عليك عارفه فيه ترويق ..... واسا تقولي شي هايل
ونا نقولك موش عالميق ..... بحسابي زراعة فسايل
هذه القصيدة للشاعر الرويعي موسى الفاخرى
ليش العجب يا بورفيق ..... وكنك وفيش اتخايل
انحق فيك في حالة الضيق ..... وناكر سكوتي الطايل
اصحى تشغلك خربة الزيق ..... واصحى اتديرها م الزلايل
انكان غايتك في التلافيق ..... ماني عليهن ولايل
ولا السهوكه واليفقفيق ..... أندورلهن في سبايل
ولا الضحك لا كثر يليق ..... ولا هو دوا للعلايل
وضحك السما بالبراريق ..... عاقبته دموع الهطايل
ويقولوا العلل موش توثيق ..... أمربط زرد في جدايل
ونا نقول كثر التجلفيق ..... إيشوي معاه الفعايل
والعقول راهن صناديق ..... مفاتيحهن بالمقايل
ونا العقل عندي تخرزيق ..... برابخه لبرا دفايل
عليه طبقن بالمغاليق ..... أبواب جيبهن قول قايل
ولاني علي روحي شفيق ..... ولاني عديم الوسايل
أو واخذ علي غوص الغريق ..... وعلي نقض فتل الجطايل
أمغير العلل ياخذ طريق ..... وأوقات يجنحنه مثايل
علي سلاختي مالتصافيق ..... نخاف كان صارن فلايل
يكون خير هجر المخاليق ..... وشور الخلا شد الرحايل
ولا أمطاوحة هالمزاريق ..... وجبدة غوير الغلايل
ولظم العلل لظم العقيق ..... بعيد ع الخطا والمحايل
يريد عقل حاظيه توفيق ..... الرب يفرزه مالنثايل
ويريد مستمع نبه ضويق ..... ما ينخدع بالخصايل
مو غير الذهب عنده بريق ..... وهو المنفرد بالفضايل
وأنكان مزنتي دارت خثيق ..... وتحدثت لك بالشغايل
أما يكون في الدي تغميق ..... ويغيبن عليك الدلايل
ولامقصدي بالتحذليق ..... أنوعر عليك المسايل
الا عادةً للشواهيق ..... دروب عوج ماهن سهايل
والا يسرقك مجرى زليق ..... وتحكم أحكام العجايل
ألقيت سكتي خير تصديق ..... للنايبات وأجدى نوايل
خليها أتجي كي اتجي سيق ..... في مواساة قنو العدايل
انما تريد ساعته نفيق ..... ويكون للخبر ريق سايل
وأنكان نشدتك عالنقانيق ..... نقولك غبا هيل هايل
يحوشن أفراد وشلاليق ..... معاهن افكاري ذهايل
وأنكان ع الريا فيت تبويق ..... اليوم الدباير قلايل
بعد اذواد تمن عذاليق ..... وأخيارهن غفال وظوايل
وأنكان ع الرفق حق وحقيق ..... نقولك مرافق الاصايل
رجاجيل في ساعة الضيق ..... أنسهل بهم في العكايل
أمنين يرتبي الاخ الشقيق ..... ويرخي معاك الحبايل
رفق صرف ما فيه تعشيق ..... بعيد ع الطمع والختايل
خليك من اللي فصهم رقيق ..... اللي مجرثمين ودحايل
اللي مزنهم فيه تفديق ...... علي معطشات الشعايل
وانكان في الغلا عالغناديق ..... جوادي قعيدة شكايل
الحران لصدا الشلفيق ..... الكمكار بين السلايل
القراب فوق الماطابيق ..... النعاي عز القوايل
انصورته كبار ومشاقيق ..... للبيطان فيه الحجايل
محط اصبعك في مضاييق ..... قدام صرته دوب جايل
براريم قبر وخوازيق ..... وشماميس عصره ظلايل
بياض جبهته للنشاشيق ..... وافتوح لهدته بالصهايل
علي ودره بالتبزعيق ..... غلا بنت مالها مثايل
كبير عقلها رازن وثيق ..... كريم اصلها بين القبايل
جميل ديها فيه تشويق ..... خفيف دمها قير سايل
أن جت ترتشق في تروشيق ..... أتلين قلوب الجهايل
لا لوجهها خش تزويق ..... ولا خربنه نفايل
غلاها اركب فيه تشليق ..... هبوب ياس عدا دقايل
خلا سيول عيني دفافيق ..... وعزومي ارقاق وكلايل
والكبد رايحه مالتلاهيق ..... كما هبو برقوق حايل
وأنكان عالدهر بالمواثيق ..... نروي لك حكاوي لوايل
حديث زبدته فيه تفويق ..... لقصار النظر والغفايل
حتى وهي فنا ودار تقريق ..... وما والي خبر فيه خايل
ياما خذت من بطاريق ..... وملوك يضحكوا عالهوايل
بعد شربهم في لباريق ..... روح العنب تحت الظلايل
بشناقيل تموا معاليق ..... والسيطان فيهم عوايل
وكم فارساً عز الفريق ..... اللي تحوش فيه الشوايل
إيدير نهار عقدة الريق ..... وتبديل لون المسايل
والخيل بين المفاليق ..... وبين الامراج الجفايل
أبقي مضحكه للشلافيق ..... وفيه يضربوا بالنقايل
يا صاحبي في سوانيق ..... عديت بك وبين العمايل
وتغريب مرة وتشريق ...... وصيفة أجواد او وذايل
عليك عارفه فيه ترويق ..... واسا تقولي شي هايل
ونا نقولك موش عالميق ..... بحسابي زراعة فسايل
ليست هناك تعليقات:
إرسال تعليق