مراد البرعصي ولا ايبدلن فيه لسواق

ولا يبدلن فيه لسواق = ولا يوترث عالقرايب
لجواد وين مالحال ضاق = وجت امحلقا بالمصايب
وجت امدومه كي الرقراق = أدير في رذاذ وضبايب
خلط سرابها علغساق = بغياب شمس والبدر غايب
طويل ليلها كيف لنفاق= خفي سر ما كان جايب
دهيم دج مافيه براق = ولا لنار بانت لهايب
اغرق نجمها نين ماتاق = شبيهت غيابت جبايب
رقيق الحصا نين حراق = معا سفوا ريح الهبايب
تسمع دليفها كيف دلفاق = علي سندا رامي عصايب
وهم ايجوك جيت شفاق = وتخمد وياتن سحايب
اخشوم بيض واغلاض وارقاق = رعدهن امسوي قلايب
ادير عقربا فيه شقاق = تشريط هبل زعلان خايب
يدافر بضيقت اخلاق = دخان كمر لافوق ثايب
اخشوما زناقط اشهاق = شلاضيم شكن غصايب
ولو لنقولك يالوراق= اتقول سد واثق طنايب
بعيد الهلل فأرض شقاق = ايعاني اثقال السكايب
وانريت نقطها بدر بزعاق= أمحميه ترجيب شايب
امشقق علي كوت محماق= أتمور سكته بالنشايب
يطاير بلا لذع مسواق = اخطاه نشل فزعت رغايب
ولا كل سيلت ارياق = ألذوقت لذيذن وطايب
ولا كل شكاع صداق = ولاكل دبار صايب
ولا كل فجاع فراق = ولايدوم ود الحبايب
ويا كل شوق مشتاق = ويا كل عاشق وذايب
في حب زين لخلاق = محمد شريف النسايب
شفيع امته يوم تضياق = يوم حشرها للحسايب
وصلاه عالنبي نهر دفاق = اتقولشهد من قير ذايب
اعدود كل مغرب ومزراق =واعداد الحصا والترايب
ابها انطمنوا قلب زماق = وبها نتقوا فالنوايب