(الصاحب اللي وين لمته ألتام ..... خذنه أيام ..... أبناهن علي غر خوذ الكلام)
الصاحب اللي وين بانت العازه ،،،،، تفكّر أعزازه ،،،،، ولايم أتلع غر كيف اللزازه .
يجيهن وهو حلق فيه إنهزازه ،،،،، ويضبط تمام ،،،،، بخضره علي خضر صيم صيام .
مو شي كما شخب شيطة اغرازه ،،،،، كثير الغلام ،،،،، يمّـده المنهاس قاشط حزام .
الصاحب اللي وين ضاق الخناق ،،،،، وشاط الرياق ،،،،، يجيهن بلل ريق حلو المذاق .
خذنه ادروبات خان المثاق ،،،،، وذاق الحرام ،،،،، اولعبه بناء نين عيطر صنام .
غونه تساتيف جمع الرقاق ،،،،، إعشقهن وهام ،،،،، وراهن جرى نين خش الزحام .
الصاحب اللي وين بان الغرار ،،،،، افزع ما اختار ،،،،، اغموم الراس لا دور عذار .
احذا لاصحاب ما نقر وطار ،،،،، وخش الغمام ،،،،، بلا تنقاي لا نظف ادمام .
امضيق الليل عقبية النهار ،،،،، اقدوم الظلام ،،،،، بريهة وقت ويعم العتام .
رخنه مجاديف خش القرار ،،،،، نظرناه عام ،،،،، وثاني رسى نين بقبق أزغام .
الصاحب اللي وين ضاق الملاج ،،،،، وساقت عجاج ،،،،، ادوخن ابقي نين كيف النغاج .
يجيهن كما برق داير اوهاج ،،،،، بهدوة أنسام ،،،،، هطيله ملا كل فارغ اجمام .
سحابه تراديف شبهة أبراج ،،،،، اخشومه ارخام ،،،،، مشاوط علي حيط مطلي بغام .
بهز الزوابيع خلخل وراج ،،،،، اذهب في اوهام ،،،،، فيهن ضنا بوه و أم وعمام .
الصاحب اللي وين واعد وفاء ،،،،، يقيم العناء ،،،،، الله الله كان لهن ذرا .
ارقاق الحال خلاهن خلاء ،،،،، كبير المقام ،،،،، تغثر فيش بيش إضحي احطام .
علي للواح ناسي ما قرا ،،،،، وخذ بإهتمام ،،،،، شقانا فيه ضيّع والسلام .
الصاحب اللي وين عبست اوجوه ،،،،، بالزينه طروه ،،،،، لاصحابه ايجي جي قبلن ايجوه .
الباين قطاطيع لرحم خذوه ،،،،، اركب في عرام ،،،،، ازموط وصمت كي زمط الهوام .
خساره اللي كان ينظر عموه ،،،،، حسب بالقرام ،،،،، ويدشع علي مش روس العظام .
الصاحب اللي وين ضاقت إيلوذ ،،،،، عطاي ووخوذ ،،،،، م الشيطان بالله إيعوذ .
أتباعه جذم الصالح أجذوذ ،،،،، وسمهم اوسام ،،،،، تقول امغير صايبهم أجذام .
خذاهم سوق في درب النبوذ ،،،،، ذهاب ووهام ،،،،، على أثر الشح قطاعة أرحام .
من جاله إلا هوه حصل نفوذ ،،،،، اركب واستقام ،،،،، هفتا وما شد صرع اللجام .
الصاحب اللي وين قلت الحيله ،،،،، إيجي للثقيله ،،،،، اتقاني وتصليب حملك يشيله .
أن قلته أن ما قلت ما قال قيله ،،،،، شديد العزام ،،،،، امعود علي قشطكن يا أشيام .
خذنه دراديح جت فيه ميله ،،،،، حدر بالخمام ،،،،، تكاصى مع جرف ملا أقسام .
لفن له اضلاعات وأخرى فتيله ،،،،، ورخوة ارمام ،،،،، تردى وما مات شينك أختام .
الصاحب اللي وين قلت الهمه ،،،،، إطري هو أسمى ،،،،، أشهر في قراباه وأبعاد دمه .
بعد للخطاطير وأميا بكمه ،،،،، بكف لبرام ،،،،، واقصاعه ولا مثرده لا إيدام .
والشينه نزل حط دار المذمه ،،،،، وخاصم اخصام ،،،،، ع الزينه علن حرب علّق أعلام .
حسوفه اللي صار نقطاع رمه ،،،،، وهكن اكمام ،،،،، الخايل مشى نين برخص أسوام .
الصاحب اللي وين لمته أهتم ،،،،، وقوته قسم ،،،،، أياما وهو فيه قدر وحرم .
واليوم الرباعات صارن مذم ،،،،، وحسبة أرقام ،،،،، أن عندك أن ما فيه ينفر أن رام
الله اوحده يوجد م العدم ،،،،، سبيل الاكرام ،،،،، إيعز أن ذلّ يامر بالهدام ¤
الصاحب اللي وين بانت العازه ،،،،، تفكّر أعزازه ،،،،، ولايم أتلع غر كيف اللزازه .
يجيهن وهو حلق فيه إنهزازه ،،،،، ويضبط تمام ،،،،، بخضره علي خضر صيم صيام .
مو شي كما شخب شيطة اغرازه ،،،،، كثير الغلام ،،،،، يمّـده المنهاس قاشط حزام .
الصاحب اللي وين ضاق الخناق ،،،،، وشاط الرياق ،،،،، يجيهن بلل ريق حلو المذاق .
خذنه ادروبات خان المثاق ،،،،، وذاق الحرام ،،،،، اولعبه بناء نين عيطر صنام .
غونه تساتيف جمع الرقاق ،،،،، إعشقهن وهام ،،،،، وراهن جرى نين خش الزحام .
الصاحب اللي وين بان الغرار ،،،،، افزع ما اختار ،،،،، اغموم الراس لا دور عذار .
احذا لاصحاب ما نقر وطار ،،،،، وخش الغمام ،،،،، بلا تنقاي لا نظف ادمام .
امضيق الليل عقبية النهار ،،،،، اقدوم الظلام ،،،،، بريهة وقت ويعم العتام .
رخنه مجاديف خش القرار ،،،،، نظرناه عام ،،،،، وثاني رسى نين بقبق أزغام .
الصاحب اللي وين ضاق الملاج ،،،،، وساقت عجاج ،،،،، ادوخن ابقي نين كيف النغاج .
يجيهن كما برق داير اوهاج ،،،،، بهدوة أنسام ،،،،، هطيله ملا كل فارغ اجمام .
سحابه تراديف شبهة أبراج ،،،،، اخشومه ارخام ،،،،، مشاوط علي حيط مطلي بغام .
بهز الزوابيع خلخل وراج ،،،،، اذهب في اوهام ،،،،، فيهن ضنا بوه و أم وعمام .
الصاحب اللي وين واعد وفاء ،،،،، يقيم العناء ،،،،، الله الله كان لهن ذرا .
ارقاق الحال خلاهن خلاء ،،،،، كبير المقام ،،،،، تغثر فيش بيش إضحي احطام .
علي للواح ناسي ما قرا ،،،،، وخذ بإهتمام ،،،،، شقانا فيه ضيّع والسلام .
الصاحب اللي وين عبست اوجوه ،،،،، بالزينه طروه ،،،،، لاصحابه ايجي جي قبلن ايجوه .
الباين قطاطيع لرحم خذوه ،،،،، اركب في عرام ،،،،، ازموط وصمت كي زمط الهوام .
خساره اللي كان ينظر عموه ،،،،، حسب بالقرام ،،،،، ويدشع علي مش روس العظام .
الصاحب اللي وين ضاقت إيلوذ ،،،،، عطاي ووخوذ ،،،،، م الشيطان بالله إيعوذ .
أتباعه جذم الصالح أجذوذ ،،،،، وسمهم اوسام ،،،،، تقول امغير صايبهم أجذام .
خذاهم سوق في درب النبوذ ،،،،، ذهاب ووهام ،،،،، على أثر الشح قطاعة أرحام .
من جاله إلا هوه حصل نفوذ ،،،،، اركب واستقام ،،،،، هفتا وما شد صرع اللجام .
الصاحب اللي وين قلت الحيله ،،،،، إيجي للثقيله ،،،،، اتقاني وتصليب حملك يشيله .
أن قلته أن ما قلت ما قال قيله ،،،،، شديد العزام ،،،،، امعود علي قشطكن يا أشيام .
خذنه دراديح جت فيه ميله ،،،،، حدر بالخمام ،،،،، تكاصى مع جرف ملا أقسام .
لفن له اضلاعات وأخرى فتيله ،،،،، ورخوة ارمام ،،،،، تردى وما مات شينك أختام .
الصاحب اللي وين قلت الهمه ،،،،، إطري هو أسمى ،،،،، أشهر في قراباه وأبعاد دمه .
بعد للخطاطير وأميا بكمه ،،،،، بكف لبرام ،،،،، واقصاعه ولا مثرده لا إيدام .
والشينه نزل حط دار المذمه ،،،،، وخاصم اخصام ،،،،، ع الزينه علن حرب علّق أعلام .
حسوفه اللي صار نقطاع رمه ،،،،، وهكن اكمام ،،،،، الخايل مشى نين برخص أسوام .
الصاحب اللي وين لمته أهتم ،،،،، وقوته قسم ،،،،، أياما وهو فيه قدر وحرم .
واليوم الرباعات صارن مذم ،،،،، وحسبة أرقام ،،،،، أن عندك أن ما فيه ينفر أن رام
الله اوحده يوجد م العدم ،،،،، سبيل الاكرام ،،،،، إيعز أن ذلّ يامر بالهدام ¤
ليست هناك تعليقات:
إرسال تعليق