ارويعي الفاخري عليش ليش ياقلب خفاق

عليش ليش للشاعر الرويعى موسى الفاخرى

عليش ليش يا قلـب خفّـاق ... اليـوم طايـر الا اطيـارة
وبين عوج لضلاع صعفاق ... والشوق شايطة فيك ناره
اغلبت عادتك يا العشّاق ... وعاودت النظر في انظـاره
نيـن نفّـذن فيـك مـزراق ...ابقيـت ترتـعـد مــن احــراره
هذي خاتمة خطف لرمـاق... واتصنـت قلـوب العـذارى
ابقيـت للنواريـن دقـداق... معـاك يولـعـن مــن شــرارة
تقول شايلك سيل دفّاق ...تمشـي للبـلا فـي اوكـاره
وتجـي واكلـه جمـر حـرّاق... وهـاريـك دكــم الـغـدارى
تمشي شايلك حلم برّاق ... وعيـن ضاحكـة للبشـارة
وتجي كاسرك سيف لفراق ...عليك رايحة يا اخسـارة
وتـعـاود بـعـد ضـيـق لضـيـاق ... مــع كــل ردّة اجـبـارة
و عليك وين عدّا بالاشواق... اللي وينما اغلـي تـوارى
تـرفّ رفّّـة الطيـر لا فـاق ...ترقـى تحـوم و تديـر دارة
من أيّ المنـا يـا الشـوّاق... بمبـات الهنـا فـي اجـواره
و ينوضـن زعازيـع لفراق...وتبـات فـي خــلا صـقـع داره
مـــــــــــــــــــــــــنـــــــــــــــــــــــــقــــــــــــــــــــــــــول