من اجمل القصائد

                     من اجمل القصائد في وقتنا الحالي

اتزابي    قليل  العرف  تبقى  كيفه
                                           خليك للسوايا والغلط حمّال
وان خاصمت راك اتشيط فالتخريفه
                                         اشّاطر علي حقك بطولة بال
ورا  الدهر  يبرم  كل  يوم بصيفه
                                        يواطي اجواد وينطرو الانذال
وحافظ  علي  نفسك تكون عفيفه
                                        راه الشرف ما يدور به دلاّل
ونيتك   معا   ربك  تكون نظيفه
                               الصدق والشرف هن مرجلة لرجال
وقوة  العين  ان كان جاتك عيفه
                                     دون حاجتك حتى تموت حلال
وراه  الديّن ما تلقا مصيبه كيفه
                                     ما  يرتفع  وجهه  اللي ينسال
الزين زين في طبعه وفي توصيفه
                                    والنذل نذل لو غطّا عليه المال
والحر حر ما ينزل اصدار الجيفه
                                     عشاه   الحبارا   لانوا الوكال
وبورقيص صيدّته تكون ضعيفه
                                      لا هن سوا لاضد في الامثال
ولا كل من قصد حاجه ايدير بكيفه
                                     ولا  كل   ناوي  غايته تنطال
الدنيا     لها   نعدال    بتزخريفه
                                 وديرت ابحاري في اسنين اقبال
وتكشّر   امعاك   وعندها تغليفه
                                  مكتوب  الرخا والكرب بالاجال
ومامن اللي نازل اجبود سقيفه
                                  في  عام  خايب والبداري طال
وما من  اللي  ركّاب سمح الصيفه
                                      اللي وين مابرّم عزق الانعال
كسوبته اكحيله في اهبوب خريفه
                                    اتجي للجمل دارت عليه احبال
نازل  بها    الاطراف  طايل كيفه
                                 اتريض فالهويد معا اجديّ غزال
اليوم   فالكراهب   عندها تكتيفه
                                وكل  وطن تصله هي اللي تنشال
ويجيها   اللي  جزّار لاقط سيفه
                                  بموسه   وسنجى   باللحم دلاّل
ايعوض المولى في اسماح الصيفه
                                 الحقّه   وبنت عشار   وأم خلال
خطرها   علل دنيا ابقي تخريفه
                                 سبحان  من يبدّل كل حال بحال